Tropp på Voss!
I Tropp får unge vaksne som slit med å få orden på livet sitt, vera med på Dag Ottos si spesialutdanning. Gjennom beinharde øvingar og streng militær disiplin, skal få hjelp til å takla vaksenlivet som ventar utanfor porten.
Akkurat som i Kompani Lauritzen får Tropp deltakarane boltre seg i fjell og dalar på Voss. På denne sida kan du finne turtips frå dei ulike episodane slike at du kan følgje i Tropp 3 sine fotspor!
Voss – Bømoen leir
Deltakarane bur på den tidlegare militærleiren i Bømoen. Bømoen er eit flott område for turar både til fots, på sykkel og på ski! Om sommaren kan du gå på Stolpejakt, besøke Voss Fallskjermklubb, stisykle med Outdoor Norway eller bli med på ein padletur ned elva. Vinterstid er fotturar og skiturar som gjeld. Les meir om Bømoen her.
Foto: Seefood TV, TV2
Øvelse Istapp – Kollingseggi
Aspirantene har nettopp vore igjennom nokre av dei tøffaste utfordringane i Kompani Lauritzens historie. På slutten av øvelsen skal dei dra ein blytung pulk opp på toppen Kollingseggi. Du treng heldigvis ikkje starte turen på same måte, for denne toppen byr både på nydeleg utsikt og lettgått terreng.
Foto: Seefood TV, TV2
Turen til Kollingseggi er fin både på sommar og vinter. Om sommaren kan du køyre heilt til Liaset, medan du på vinteren på starte litt lengre nede ved Lemme. Kollingseggi ligg på 941 moh og har utsikt mot Lønahorgi, Bavallen og Løno. Me vil anbefala å gå turen med ein lokal guide. Då er du sikker på at du får med deg dei beste linjene og lærar om trygge vegval undervegs. Wild Voss og Hardanger Fjellguide tilbyr privat guida topptur og har høg kompetanse om fjella i vår region.
Foto: Helene M. Bjørnø
Aspirantball på Fleischer's Hotel
Skal du feira på høgtideleg vis, medan du er på Voss? Då er ærverdige Fleischer's Hotel rette plassen. Obersten arrangerte aspirant ball på hotellet, men her er det rom for store og små feiringar - og det er sjølvsagt lov å komma rett frå ski.
På Fleischer's finn du både overnatting tett på Voss sentrum, togstasjonen og gondol. I tillegg har dei eit variert tilbod til ulike anledningar. Fredriks bar og terrassen har avslappa stemning og meny. Her møter du på både vossingar og tilreisande etter ein dag på fjellet. I Restaurant Magdalena får du servert dagens middag, anten som ein servert meny eller buffet. Restauranten er oppkalla etter Fleischer's Hotel si første vertinne og kjøkkensjef. Aspirantballet finn plass i Restaurant Seckman, her byr hoteller på fine dining. Menyen varierer i samsvar med årstid og dei serverer det beste som kvar sesong har å by på.
Ut i felt - Brandset
Aspirantane legg ut på den lengste perioden i felt, til no, i den idylliske Brandsetdalen. Her er flott terreng og løyper for både langrenn og fjellski. Frå Voss sentrum tek du E16 mot Oslo. Når du har køyrt forbi Oppheimsvatnet tek du av mot Brandseth. Følg vegen til endes, til du kjem til nokre militære bunkerser og ein stor parkeringsplass. NB! Hugs at telt/leir må settast opp minimum 150m frå nærmaste bebyggelse, dersom du ynskjer å overnatta.
Meir info kjem etter kvart som episodane kjem ut!
Bonustips
Ole Baldisol er ein sjåarfavoritt i Tropp 3 (Kompani Lauritzen). Han har eit skarpt blikk og legg gjerne merke til ting, som ikkje andre legg merke til. For eksempel er han spesielt opptatt av sifertaket på Bømoen leir. Du kan faktisk besøke det gamle skiferbruddet på Voss. Her er det både kultursti, omvisningar, konsertar og ein veldig god Instagram-spot.
Hedleberget på Kyte var i byrjinga av 1900-talet den største arbeidsstaden i Voss kommune. I skiferindustrien på Voss arbeidde det på det meste 400 mann.
Frå Voss sentrum køyrer du E16 mot Oslo, ved Coop Extra i Skulestadmoen tar du mot Nedkvitne. Køyr forbi Voss Active og etter eit par hundre meter tar du til høgre mot Almeland. Ta til høgre igjen, inn på Reppavegen. Snart kjem du til eit nytt kryss og på venstre side ser du Voss Bryggeri, litt oppe i lia. Ta til venstre mot bryggeriet. Følg vegen oppover og køyr forbi bryggeriet til du ser skilt mot Hedleberget, på venstre side. Tilrettelagt parkering før bommen på vegen.
Fleire aktivitetar på Voss