Guide til isbading

Søker du adrenalin og moro er isbading perfekt

Det blir sagt at isbading har fleire positive fordeler og helsegevinster f.eks:

- skal det forbetre sirkulasjonen og såleis den fysiske helsa.
- om du jamnleg oppheld deg i kulda vil du også bygge eit betre immunforsvar mot kulda.
- isbading er bra for den mentale helsa. Du får verkeleg kopla av frå alt anna når du hoppar uti iskaldt vatn. 

For å få er skikkelig god oppleving er det viktig å puste sakte og å vera bevisst på pusten sin. Det beste av alt er likevel at du får vera ute, du får oppleva vakker natur på ein ny måte og du får totalutbytte av alt vinteren har å by på.  

        
_{Foto: Karoline Fosse}

Huskeregler ved isbading:

Ver alltid sikker på at omgivelsane dine er trygge.

Om du går utpå isen – er den tjukk nok? 

Om du bader i ei elv – er det strømmer som kan dra deg under isen? 

Ikkje dra aleine. Du kan fort få krampe i kaldt vatn og eit hjelpande hånd er alltid godt å ha. 

Sjekk ALLTID omgivelsane og tenke deg godt om før du hoppar uti/går ut på isen. 
 

Utstyrs og tips til isbadinga!

Ta med deg øks.
Ofte må ein komme seg igjennom eit tjukt lag med is.

Ull frå topp til tå.
Du får ei betre oppleving om du unngår å bli kald før du skal bade. Ull er også det beste å ta på seg etterpå. Ha eit tynt lag med ull innerst, eit tjukkare lag med ull utanpå der og vinterjakka/buksa ytterst (søk gjerne opp 3-lags prinsippet).

Skift heime
Ta på deg badedrakta heime, om du veit at du skal ut å bade, då slepp du å bli kald når du skal skifte utandørs. Må du bytte ute - stå på ullsokkane dine når du bytter.

Ullsokkar
Mange likar også å bade i ullsokkar, spesielt om det er steinar eller ujamn botn.

Hold hodet varmt
Om du ikkje har planar om å dukke under er det godt å ha på hue. Det høyres kanskje rart ut, men tørt hår og varmt hode hjelper mykje, spesielt om det er vind ute. 

Dukker du heilt under, med både kropp og hodet bør du tørke håret først og ta på deg ei hue. Då unngår du at håret fryser til is.

Tørk deg raskt
Når du er tilbake på land gjeld det å tørke seg fort og ta på alle laga med ull og yttertøyet kjapt. 

Sjekk værmeldinga
Isbading er best når det er vindstille. Vinden gjer at det kjennest endå kaldare ut å komme opp av vatnet. 

Det er alt  – no gjenstår det berre å faktisk hoppe uti!

    
_{Foto: @wariacki_mors (Instagram)}

Gode plasser å isbade på Voss

Vangsvatnet
Langs heile Prestegardsmoen er det strand så her er det enkelt å komma seg ut på isen eller uti vatnet. Ein komfortabel start på isbadinga.

Lønavatnet
Utsikta mot fjellet Lønahorgi er fantastisk, men det kan hende du må leite litt etter ein plass å komme deg ned til vatnet. 

Mjølfjell
Køyrer du til Mjølfjell finn du mange fine kulpar å bade i. OBS! Du må vera ekstra forsiktig når du bader i elver. Det kan vera sterke strømm i elva og is under vatnet. 

Oppheimsvatnet
Eit vatn med mange fine badeplassar. På nord-øst sida finn du ei kjempe fin strand. Vatnet ligg på kring 300 moh og store deler av vinteren er det dekka med eit tjukt lag med is. 

Demmo
Demmo på Flatlandsmoen er eit lite vatn med mange fine badeplassar. Utforsk område! 

Granvinsvatnet.
Om ikkje vatnet er fryst er vatnet ei unik perle omkransa av høge fjell. Parker langs vegen ein plass og hopp uti! Her vil me anbefale sokkar eller sko då botnen er full av ujamne steiner. 

Granvin
Om du vil bade i fjorden køyrer du til Granvin. Det er laga ei kvit sandstrand i Fjordparken, i Granvin sentrum. Fjorden fryses veldig sjeldan, så her treng du nok ikkje ha med deg øksa.  

    
_{Foto: Martin Kristensen}

Vil du gjere badeopplevinga litt betre?

På Scandic Voss, Voss Vandrarheim og Elva Hotel har dei badstu. Kva med å starte dagen med eit isbad, badstove og frukost?

 
_{Foto: Karoline Fosse}