FLOR'N Restaurant på Store Ringheim

Restaurant Flor’n finn du i ei gamal løa på Store Ringheim, omslag 1,4 km frå Voss sentrum. Flor’n er ein moderne a la carte restaurant med eit rustikk preg og ei heilt spesiell atmosfære. Her byr me på jordnære og rustikke måltid, laga av det beste av sesongens lokale og ureiste råvarer.

Opningstider;
Haust / vinter / vår:
Onsdag - laurdag, kl. 17.00 - 23.00
(Kjøkenet stengjer for nye bestillingar kl. 21.00)

Sommarsesong:
Måndag - sundag, kl. 17.00 - 23.00
(Kjøkenet stengjer for nye bestillingar kl. 21.00)

Bordtinging til 954 06 135 eller [email protected]

Ope andre dagar/tidspunkt for grupper på min. 10 personar, når det vert tinga minst 2 døger på førehand. Sjå ellers opningstider og informasjon på vår heimeside.

Menyen i Restaurant Flor’n er ikkje så veldig stor, men me har alltid eit utval av både kjøt & fisk - og sjølvsagt gode dessertar som prikken over i’en til avslutning av måltidet. Me likar det rustikke, med fokus på den gode smaken, samstundes som den skal vera like god for auga som for ganen. Hjå oss vert alle rettane laga frå botnen av. Dette gjer at me veit alt om kva som er i maten me lagar og serverer våre gjester.

Menyen vår endrar seg jamnleg gjennom året, alt etter kva som er tilgjengeleg av sesongens gode råvarer. Sjølv om det kanskje er den same råvara som står på menyen, så kan og mykje ha endra seg frå forrige med meny med tilbereding, tilbehør og smakskombinasjonar. Ulike allergiar, eller kanskje vegetarianar? Me har alltid nokre alternativ på lur om det ikkje skulle vera på dagens meny.

Inntil måltida i restauranten er det sjølvsagt høve til å nyta god lokal drykk, slik som vårt eige handverksøl, "Vetle Ivar". Dette ølet er ein hyllest til 8. generasjon brukar og resultatet av eit smakfullt samarbeide med L/L Voss Fellesbryggeri vinteren 2021.

Gardsmat & bærekraftig mat - frå åker til bord
Me er opptekne av bærekraft, gode ferske råvarer og lokal kortreist mat. Me foredlar kjøt og lagar mange produkt sjølve, basert på og utvikla frå gamle oppskrifter. På garden dyrkar me ein del grønsaker, har eigen jordbæråker, bærbusker - og ein stor kjøkkenhage med både blomar og urter. Me likar oss ute i naturen - og me sankar sjølve sopp, urter og bær som me brukar i maten vår. Mykje av det du finn i våre smakfulle rettar i restauranten, kjem frå vår eigen gardsmatproduksjon. Det me ikkje produserar eller sanker sjølve, kjem frå dyktige lokale produsentar som leverer den
gode kvaliteten som me ynskjer å ha.

Les meir om Flor'n her